Përmes avokimit të saj, Oda Amerikane promovon politika të cilat mundësojnë zhvillimin e mjedisit të të bërit biznes për investitorët amerikanë dhe investitorë të tjerë. Oda Amerikane është anëtare e Këshillit për Zhvillim Ekomomik, Zyrës së Komunitetit të Biznesit të Kuvendit të Kosovës, si dhe Ministrisë së Financave, Administratës Tatimore, Doganës së Kosovës, Këshillit Konsultativ të Komunitetit të Biznesit. Këto mekanizma shërbejnë si platforma kryesore për anëtarët e Odës Amerikane për të adresuar çështje kyçe të interesit për operimet e tyre ndaj institucioneve përkatëse. Përmes këtij këshilli janë ndërmarrë shumë iniciativa të cilat janë adaptuar në ligje ose akte nënligjore.