Fondacioni i Odës Ekonomike Amerikane përkrah fëmijët me kancer në 2020

të Bamirësisë, organizim përmes të cilit biznese nga sektorë të ndryshëm dhuruan fonde për të përkrahur financiarisht organizatat që mbështesin fëmijët me kancer dhe edukimin e të rinjve Romë, Egjiptian, dhe Ashkalinjë.

Kjo darkë u mbështet nga sponzorët platin: Coca Cola Hellenic Bottling Company, Meridian Corporation dhe KIVO; sponzori i artë: Finca, sponzorët e argjendtë: Elkos, Gjirafa; dhe sponzorët e rregullt: KEP, Banka Kombëtare Tregtare, HIB Corporation, Agjencioni për Zhvillim Rajonal – Qendër, Innovation Centre Kosovo dhe Interex. Për më tepër, kontribut u dha edhe nga kompanitë Deloitte, Asseco, Boga & Associates, Banka Ekonomike, dhe Siguria.

Fondacioni i Odës Ekonomike Amerikane në Kosovë në të kaluarën ka mbështetur edhe kauza të tjera të rëndësishme si renovimin e Klinikës Pediatrike të Qendrës Klinike Universitare të Kosovës (QKUK), organizatave që përfaqësojnë personat e verbër, përmirësimin e kushteve të shkollave fillore nëpër vendbanime rurale të Kosovës, ndërtimin e shtëpive për familjet e pastreha, mbështetjen e organizatës “ATOMI” që mbledh fëmijët me inteligjencë të jashtëzakonshme, organizatën “Down Syndrome Kosova”, Aksionin për Nëna dhe Fëmijë, Fshatin e fëmijëve “SOS” e shumë të tjera, duke kontribuar në të njëjtën kohë edhe në qëndrueshmërinë afatgjate të këtyre organizatave.