Oda Amerikane organizon trajnim rreth menaxhimit të gjeneratave

Prishtinë, 23 korrik 2019 – Oda Ekonomike Amerikane në Kosovë organizoi trajnimin “Menaxhimi i Gjeneratave” për kompanitë anëtare të saj, trajnim i zhvilluar nga Arjeta Spahiu, Kryeshefe Ekzekutive e Advoco Solutions si dhe Anëtare e Bordit të Guvernatorëve të Odës Amerikane.

Gjatë trajnimit, Spahiu tha se menaxhimi i duhur i gjeneratave të ndryshme brenda kompanisë përbën një fakor kyç në zhvillimin organizativ të biznesit. Ajo tha se njohja me vetitë e caktuara të punonjësve si dhe menaxhimi i marrëdhënieve të tyre brenda stafit luan një rol primar në mbarëvajtjen e operimeve të biznesit.

Mes të tjerash, Spahiu poashtu përmendi rëndësinë e inteligjencës emocionale në menaxhimin e burimeve njerëzore duke shtuar se njohja e kapaciteteve dhe menaxhimi i tyre përmes saj rezulton në efikasitet më të madh brenda kompanisë si dhe rritje të komunikimit mes punonjësve.