Oda Amerikane takohet me Ministrin e Punëve të Jashtme

Prishtinë, 16 maj, 2018 – Drejtori Ekzekutiv i Odës Ekonomike Amerikane në Kosovë, Arian Zeka, u takua sot me Ministrin e Punëve të Jashtme, Behgjet Pacolli. Në takim u diskutua mundësia e rritjes së bashkëpunimit ekonomik dhe tregtar me Shtetet e Bashkuara të Amerikës. Ministri Pacolli shprehu përkrahjen ndaj Odës Amerikane në krijimin e Zonës Amerikane në tërheqjen e investitorëve amerikanë në Kosovë dhe vlerësoi punën e mirë që bën Oda Ekonomike Amerikane. Poashtu u diskutua për koordinim të aktiviteteve në promovimin e mundësive për investime në Kosovë para bizneseve amerikane.