Të rinjët mësojnë për hapat e zhvillimit të një biznesi start-up

Prishtinë, 22 nëntor 2019 – Në vazhdimësi të aktiviteteve të organizuara në kuadër të Javës Globale te Ndërmarrësisë, Oda Ekonomike Amerikane organizoi ngjarjen “Histori të suksesit të start-upeve” ku ndërmarrësit e suksesshëm Agon Avdimetaj nga Zombie Soup dhe Rron Cena nga Formon treguan për eksperiencat që nga themelimi deri tek zhvillimi i bizneseve të tyre.

Agon Avdimetaj, themeluesi i kompanisë Zombie Soup, ndau me të pranishmit rrugëtimin e tij drejt zhvillimit të kompanisë dhe sfidat e shumta me të cilat është përballur. Ai tha se bota e start-up është shumë e pa sigurtë dhe jo stabile mirëpo me pasion dhe përkushtim gjithçka është e arritshme nëse i posedoni këto dy cilësi. Ai la një mesazh për të pranishmit ku tha se potenciali i gjithsecilit shihet atëherë kur mundoheni të krijoni diçka që u ndihmon të tjerëve.

Ndërsa, Rron Cena, themeluesi i kompanisë Formon, tha se para se të fillohet një biznes duhet të definohet tregu sepse çdo ndërmarrës duhet të fokusohet në zhvillimin e një biznes i cili mungon në treg. Ai shtoi se rol të madh në suksesin e një biznesi ka edhe ekipi me të cilin bashkëpunoni, dhe këshilloi të rinjët që të kenë kujdes në përzgjedhjen e ekipës. Cena gjithashtu theksoi faktin se Kosova ofron kushte të përshtatshme për krijimin e bizneseve duke marrë parasysh që taksat janë tejet favorizuese.

Të dy panelistët i inkurajuan të rinjtë që të kyçen në fushën e ndërmarrësisë pasi që sipas tyre ndërmarrësia është një punë afatgjate dhe ju ofron mundësi të shumta.